Amerıkandyq avtoáýesqoı jolǵa jelimdelgen mysyqty qutqaryp qaldy
ASTANA. Jeltoqsannyń 23-i. QazAqparat - Amerıkandyq erli-zaıyptylar Mınnesota shtatyndaǵy qarbalas joldardyń qaq ortasyna belgisiz bireý jelimdep ketken mysyqty qutqardy,
dep habarlaıdy QazAqparat Lenta.Rý saıtyna silteme jasap.
Áldekim sarǵylt jolaq tústi mysyqtyń tórt tabanyn birdeı asfalttalǵan tas jolǵa jelimdep ketken. Onyń janynan ersili-qarsyly ótip jatqan júrgizýshiler janýardy máshıneler qaǵyp ketken dep oılaǵan. Tipti olardyń kóbisi mysyqtyń qımyldaǵanyn da baıqamaǵan. Alaıda erli-zaıypty qaıyrymdy jandar toqtap, mysyqty jolǵa jabysqan jerinen bólip alady.
Jergilikti veterınarııa qyzmetiniń qyzmetkerleri jolǵa jelimdep ketken meıirimsiz bireýdiń bul qylyǵyna jaǵalaryn ustady. Mysyqty janýarlar panalaıtyn jergilikti orynǵa jiberdi, oǵan Tımotı degen at berildi. Jelimnen terisi sydyrylǵan tabany jazylǵannan keıin, Tımotı óziniń jańa ıesin tabatyn bolady.
