Amerıkandyq Astana jaıynda túsiniksiz fılm túsirdi
ASTANA. 27 aqpan. QazAqparat - Amerıkandyq Iv Sýssman kınematografııada jańa janrdy oılap taýyp, óziniń ıdeıasyn Qazaqstan týraly fılm túsirý arqyly iske asyrdy.
Atap aıtqanda, bul kartınany eki márte kórý múmkin emes. Sebebi, fılmdi kórermender úshin qoıǵan saıyn kompıýter kadrlardy aýqymdy baza ishinen kezdeısoq retpen qurastyryp, biregeı jańa lentany jınaıdy. Bul jaıynda «Ekspress K» basylymy jarııalap otyr.
Iv Sýssman men onyń komandasynyń fılmi "Whiteonwhite: algorithmicnoir" (Aq aqtyń ústinde: algorıtmdik nýar) atty ataýǵa ıe bolyp otyr. Kartına Qazaqstanda jazylǵan 3 myń klıpten, 80 aýdıo jazbadan jáne 150 mýzykalyq úzindiden turady. Osy eleýli jıyntyqtyń barlyǵy kompıýter bazasynda qorytylady.
Iv Sýssmannyń paıymdaýynsha, elektrondyq agregat taspany bir-birimen retsiz turǵyda jalǵap qana qoımaı, ózara baılanysqan tarıhty tizip, kórermenderdiń fılmdi yntamen kórýine tartady. Joǵaryda atalǵan erekshelikke sáıkes osy tektes kartınanyń sıýjetin sýretteý adamdarǵa qıynǵa túsetin sekildi.
Fılmdi kórgen kezde ekrannan Astananyń túngi peızajy kórinis beredi. Al kadr syrtynan mýzykalyq qorapshanyń úni nemese ushaq daýysy shyǵady. Sonymen qatar kartınadaǵy áıeldiń muńdy daýysy lırıkalyq batyr jaıynda áńgime aıtyp jatady. Týyndynyń jalpy túsiniksizdigine qaramastan ondaǵy hıkaıa qyzyqtyrady. Osy oraıda "Whiteonwhite: algorithmicnoir" lentasyn Qazaqstan jaıynda jasalǵan eń ózgeshe kartınalar sanatyna jatqyzýǵa bolatyndaı. Iv Sýssman óziniń shyǵarmasyn Sundance jáne Berlinale sekildi álemge tanymal festıvalderde tanystyryp ta úlgerdi.
