Amerıkandyq arnaıy agentterdi Kolýmbııadan qýyp shyqty
ASTANA. 14 sáýir. QazAqparat - Kolýmbııada ótip jatqan eki Amerıka Sammıtine saparmen kelgen AQSh prezıdenti Barak Obamanyń jeke kúzetindegi 12 arnaıy agentti tártipsizdigi úshin qyzmetterinen bosatyp, elderine qaıtaryp jiberdi,
dep habarlaıdy Lenta.rý saıty. Associated Press aqparat agenttiginiń habarlaýynsha, olar qyzmet kezinde Sammıt ótip jatqan Kartahena qalasyndaǵy jezókshelerge barǵan kórinedi.
Qupııa qyzmettiń baspasóz ortalyǵy bul málimetterdi jarııalaǵan joq, alaıda joqqa da shyǵarmaı otyr. Olar tek 12 qyzmetkerdiń qyzmetinen bosatylǵanyn, alaıda ornyna basqalardyń qoıylǵanyn jáne Obamanyń qaýipsizdigine eshqandaı kedergi keltirilimegendigin aıtqan.
Degenmen, juma kúni keshke Kolýmbııa astanasy Bogotada AQSh elshiliginiń mańynda eki shaǵyn jarylys oryn alǵan. Japa shekkender joq.
Polıtsııanyń boljamynsha, ol jarylystardy solshyl kóterilisishiler AQSh prezıdentine qarsylyq retinde uıymdastyrýy múmkin.
