Amerıkandyq akter «Musylmannyń páktigi» fılminiń kórsetiliminen keıin ıslam áleminde oryn alyp jatqan narazylyqtarǵa óz alańdaýshylyǵyn bildirdi
ALMATY. 16 qyrkúıek. QazAqparat - Men bul fılmge esh qatysy joq beıbit azamattardyń zardap shegip jatqanyna qatty alańdaımyn.
17-21 qyrkúıek kúnderi Almatyda ótetin VIII «Eýrazııa» Halyqaralyq kınofestıvaline meıman bop kelgen amerıkandyq akter Dennıs Heısberg keshe Almatyda ótken baspasóz máslıhatynda osylaı aıtty.
Amerıkandyq evreı Sem Básıl túsirgen «Musylmannyń páktigi» fılminde Muhammed Paıǵambardyń beınesi kóriksiz kórsetilýine oraı qazir kóptegen musylman elderinde AQSh-qa qarsy narazylyq-sherýleri ótip jatyr. Bul oqıǵalarǵa qatysty óz paıymdaýymen bólisken D.Heısbrg atalmysh kınony ózi kórmegenin, degenmen onyń keltirgen zardabymen CNN telearnasynyń reportajdarynan tanys ekenin jetkizdi. «Bul qaqtyǵys kezinde kóz jumǵan adamdardyń ómirine qatty qaıǵyramyn. Olar fılmge esh qatysy joq musylman elderi men AQSh azamattary. Sondyqtan «Eýrazııa» kınofestıvali alańynyń mádenıetti biriktiretine úlken úmit artamyn. Bári bulaı jalǵasa berýi múmkin emes.
