Amerıkandyq 2 trıllıon septıllıon dollar talap etýde
ASTANA. QazAqparat - Nıý-Iork turǵyny qalaǵa, uıymdar men azamattarǵa 2 ýndetsıllıon (2 jáne 36 nólderimen) dollar zalaldy óteý jóninde talap-shaǵym berdi, dep habarlady reseılik «Jańalyqtar» agenttigi.
Manhettenniń 62 jastaǵy turǵyny Anton Pýrısıma Manhettenniń federaldyq sotyna Nıý-Iork qalasyna, qalanyń kólik júıesine, magazınge, eki jergilikti aýrýhanaǵa, ıt ıesine jáne basqa da azamattarǵa qarsy ózine keltirilgen zalaldy óteý jóninde óz qolymen jazylǵan shaǵym túsirdi.
Basylymnyń naqtylaýynsha, mundaı soma tipti Jer ústinen jınasań da, tabylmaıdy. Álemdegi ekonomıkasy iri AQSh-tyń ishki jalpy ónimi 2013 jyly 17 trıllıon dollarǵa jýyq boldy, álemdik ІJÓ - 75 trıllıonnyń tóńireginde.
Bul er adamnyń qoıyp otyrǵan kinási ártúrli - adam quqyǵynyń buzylýynan bastap, óltirýge áreket jasaýǵa deıin. Mysalǵa, Pýrısıma onyń saýsaǵyn tistep alǵan ıttiń ıesin, sondaı-aq aýrýhanada oǵan dárigerlik kómek kórsetip jatqan kezde sýretke túsirip alǵan eki qytaılyqty aıyptaıdy.
Talap-shaǵym berýshi óziniń shekken zardaby men kúızelisi aqshalaı mólshermen esepteýge jatpaıdy, dep sanaıdy, sondyqtan da baǵa jetkisiz. Ol sondaı-aq shaǵymǵa qanap qalǵan saýsaǵynyń fotosýretin de tirkegen.
