Amerıkan bazasynda sarbaz komandırin atyp óltirdi
ASTANA. 29 maýsym. QazAqparat - Amerıkandyq «Fort Bregg» áskerı bazasynda (Soltústik Karolına shtaty) atys boldy, saldarynan bir áskerı qyzmetker mert boldy.
Oq jaraqattaryn alǵan taǵy ekeýi gospıtalǵa jetkizildi, dep habarlady RBK.
Atysqa qatysqandardyń barlyǵy 525-shi barlaý brıgadasynyń áskerı qyzmetkerleri bolyp tabylady. Qylmystyń kartınasyn jasap jatqan tergeýshilerden málim bolǵandaı, bólimshede nusqama júrgizilip jatqan kezde áskerılerdiń biri qyzmettesterine qaraı oq jaýdyryp, batalon komandırin óltirdi.
Odan keıin mergen ózin-ózi óltirmekshi boldy, onyń óz basyna oq atýy sátsizdikpen aıaqtaldy - ol jaraqatpen gospıtalǵa jetkizildi.
Oqıǵa saldarynan oq jaraqatyn taǵy bir sarbaz alǵany týraly málimetter bar. «Ázirge qylmysqa ne túrtki bolǵany týraly naqty aqparatymyz joq. Qazirgi ýaqytta bólimsheniń qyzmetkerlerimen jumys istep, olardan surastyrýdamyz», - dep habarlady áskerı bazanyń ókili Kevın Arata. Ol sondaı-aq baza komandovanıesi barlyq zardap shekkenderdiń otbasylaryna kómek kórsetý mindetin óz moınyna alǵandyǵyn atap ótti.
Tergeýge kómektesý úshin bazanyń qol astyna Qurlyqtaǵy áskerler qylmystyq isterdi tergeý komandovanıesiniń tergeýshiler jiberildi.
