Amerıkalyqtar Ýsama ben Ladenniń jeke kúndeligin taýyp aldy
ASTANA. 12 mamyr. QzaAqparat - Ýsama ben Ladenniń kózin joıý operatsııasy barysynda amerıkalyq áskerılerdiń qolyna onyń jeke jazbalary saqtalǵan kúndelik tústi.
Bul týraly AQSh-tyń barlaý qyzmeti tóńiregindegi derekkózi habarlady, deıdi The Associated Press.
Portaldyń jazýynsha, Ýsama ben Laden qoıyn dápterge kóbinese «Ál-Kaıdanyń» jańa operatsııalary jáne onyń jalpy taktıkasy týraly túrtip otyrǵan. «AQSh-ta lańkestikti jalǵastyra berý kerek. Nıý-Iorkti ǵana emes, shaǵyn qalalardy da nysanaǵa alyp, poıyzdar men ushaqtardy jaryp, amerıkalyqtardy kóbirek qyra túsý kerek. Lańkestik qurbandarynyń sany myńdap sanalyp, 9/11 oqıǵalar deńgeıine jetken kezde ǵana, Vashıngton arab álemindegi óz saıasatyn ózgertetin bolady», - dep jazǵan kórinedi Ýsama ben Laden.
