Amerıkalyqtar Tramptyń jeńisin jyldyń basty oqıǵasy dep atady
ASTANA. QazAqparat - Amerıkalyqtar prezıdenttik saılaý men Donald Tramptyń memleket basshysy bolyp saılanýyn 2016 jyldyń basty oqıǵasy dep atady. Mundaı pikirdi AQSh turǵyndarynyń tórtten úsh bóligi aıtqan, dep habarlady Gazeta.ru Associated Press saýalnamasyna silteme jasap.
Eń basty jańalyqtar boıynsha ekinshi orynda Orlandodaǵy jappaı kisi óltirý men Belgııa, Túrkııa, Pákistan jáne Frantsııadaǵy lańkestik aktilerdi ataǵan. Bul oqıǵalardy saýalnamaǵa qatysqandardyń 63% mańyzdy dep ataǵan.
Qatysýshylardyń teń jartysy (51%) polıtsııa qolynan qaza tapqan jandar men úsh shtattaǵy polıtsııaǵa shabýyldy mańyzdy oqıǵa dep atady. Saýalnamaǵa sáıkes, tórtinshi oryndy Zıka vırýsynyń taralýy týraly habarlama alǵan. Bul oqıǵany amerıkalyqtardyń 43% eske aldy.
