Amerıkalyqtar tik qabyrǵaǵa qonyp-usha beretin ınelik-dron jasady
ASTANA. QazAqparat - Stenford ýnıversıtetiniń ınjenerleri áýed ushyp júrip tik qabyrǵaǵa qonyp, onyń boıymen órmeleı alatyn drondy jurt nazaryna usyndy, dep habarlaıdy tech.onliner.by saıty.
Robot SCAMP dep ataldy. Bul Stanford Climbing and Aerial Maneuvering Platform sóziniń qysqartylǵany. Robotty qurastyrýshylardyń sózine qaraǵanda, ol belgili bir jerge jetip, qabyrǵaǵa bekinip turyp aınalasyna barlaý jasaı alady.
Drondarǵa qaraǵanda SCAMP uzaǵyraq jumys jasaı alady. Robot áýedegi ornyn anyqtaıtyn datchıktermen jabdyqtalǵan, aınalasyn sensor kómegimen barlaıdy. Eger ol tik qabyrǵadan qulap ketse avtomatty túrde ebelegin aınaldyryp alyp jerge túspeı ushyp kete beredi.
Ol qabyrǵada bekinip turǵanda qýat jumsamaıtyny atalyp ótildi. Sondyqtan qatardaǵy dronnyń úsh mınýttyq jumysyna jetetin batareıanyń kómegimen SCAMP birneshe saǵat jumys isteı alady.
