Amerıkalyqtar sútke arnalǵan «aqyldy quman» oılap tapty
ASTANA. 20 maýsym. QazAqparat - Amerıkandyqtar «turmystyq ınnovatsııa» baıqaýy aıasynda sútke arnalǵan Milkmaid Jug «aqyldy quman» oılap tapty. Bul týraly BNews.kz habarlaıdy.
CNews.kz habarlaýyna qaraǵanda, GE(General Electric) jáne Quirky kompanııalary birleskenge.quirky. com ınternet- saıtyn iske qosqanyn jáne onda «turmystyq ınnovatsııaǵa» baılanysty baıqaý ótetinin jarııalaǵan.
Saıtqa enýshilerdiń árqaısysy qandaı zattyń kúndeliktik turmysta kádege jaraıtynyn biraq ol jasalmaǵany týraly pikirin bildire alady. Al ózgeleri kóńilderinen shyqqan ıdeıaǵa daýys beredi. GE jáne Quirky kompanııalary óz kezeginde ony iske asyrady.
Atalǵan kompanııalardyń júzege asyrǵan alǵashqy bastamalary sútke arnalǵan «aqyldy quman» boldy, bul jańashyldyq online-daýys berý nátıjesinde eń joǵary upaı jınapty. Súttiń jaǵdaıynan tolyq aqparat beretin quman kópshilik úshin eń qajetti gadjet eken. «Aqyldy quman» súttiń jaǵdaıy týraly iPhone arnaıy qosymshasy arqyly habarlaıdy. Ydystyń túbinde temperatýra men qysym sensorlary ornatylǵan, sondaı - aq datchıkter súttiń qyshqyldyǵyn da anyqtaıdy. Gadjettiń qashan jasalyp shyǵarylatyny jáne onyń baǵasy týraly ázirge aqparat joq.
