Amerıkalyqtar sýǵa batqan ıspandyq galeonnyń qazynasyn tapty
ASTANA. QazAqparat - Florıdanyń qazyna izdegen januıasy ıspandyq galeonnyń altyn buıymyn tapqanyn habarlady.
Shmıttiń januıasy Orlandoda WKMG arnasynda habarlandyrý jasady. Olardyń aıtýynsha, 1715 jyly Pırs Fortynyń mańynda batyp ketken kemede bolǵan altyn buıymdy tapqan. Keme Latyn Amerıkasyndaǵy kolonııadan Ispanııaǵa altyn tasymaldaǵan kezinde batyp ketken, dep jazdy Noticia portaly.
Bul mundaǵy altyn buıymdar tabylýynyń alǵashqy jaǵdaıy emes. Ótken jyly Florıda turǵyndary quny jarty mln. dollardy quraıtyn altyn alqa men shaqalardy tapqan, delingen amerıkandyq aqparat kózderinde.
Shmıtt otbasynyń Florıda aımaǵynda qazyna izdeıtin arnaıy kompanııasy bar.
"Osydan paıda tabý maqsatyn aldymyzǵa qoımadyq. Bul bizdiń súıikti isimiz. Tarıhty qalpyna keltirmekpiz ", - dedi Hılları Shmıtt.
