Amerıkalyqtar Satýrn spýtnıgine súńgýir qaıyq jiberedi - VIDEO
ASTANA. QazAqparat - Amerıkalyq ǵarysh agenttigi (NASA) Satýrnnyń Tıtan atty spýtnıgindegi Kraken polıarlyq teńizin zerttemek, dep habarlaıdy Rosbalt.
Florıdadaǵy NASA ınstıtýtynda kómirsýtekti teńizderdi zertteýge jóneltiletin súńgýir qaıyqtyń úlgisi kórsetildi.
Qaıyqty ushyrý mıssııasy 2040 jylǵa josparlanǵan. Apparat saǵatyna 3,6 km jyldamdyqpen 2 myń shaqyrym jerdi súzip shyǵýy kerek.
Tıtanda etan men metannan turatyn úsh polıarlyq teńiz anyqtaldy. NASA ınjenerleri ázirlegen súńgýir qaıyq olardyń eń úlkeni - Kraken teńizin zertteıdi. Onyń aýmaǵy 400 myń sharshy metr, al tereńdigi shamamen 160-300 metr bolady.
