Amerıkalyqtar QazUÝ-dy úzdik joǵary oqý orny dep atady
ASTANA. QazAqparat - Bedeldi «The Best School» amerıkalyq uıymy ál-Farabı atyndaǵy QazUÝ-dy Qazaqstannyń úzdik joǵary oqý orny dep atady, dep habarlaıdy QazAqparat ýnıversıtettiń baspasóz qyzmetine silteme jasaı otyryp.
«The Best School» bilim berý máselelerimen aınalysady jáne stýdent jastarǵa bilim berý baǵdarlamalaryn, oqý men joǵary oqý ornynyń geografııalyq ornyn durys tańdaýǵa kómektesedi.
Jyl saıyn atalmysh uıymnyń táýelsiz baǵalaýy negizinde ár elde úzdik JOO ańyqtalady. Mysaly, AQSh-ta - Garvard ýnıversıteti, Ulybrıtanııada - Kembrıdj, Kanadada - Toronto, Reseıde - M. Lomonosov atyndaǵy MMÝ, Qytaıda - Tsınhýa, Japonııada - Tokıo, Ońtústik Koreıada - Seýl ulttyq ýnıversıteti, Týrkııada - Ystambul ýnıversıteti, Saýd Arabııasynda - Kıng Abdýlazıs ýnıversıteti bar.
Atap ótý qajet, «The Best School» usynǵan joǵary oqý oryndarynyń reıtıngi sheteldik stýdentter men ata-analar úshin álem boıynsha úzdik ýnıversıtetti tańdaýda jol kórsetýshi bolyp tabylady.
Reıtıngke enýdiń basty talaby - eń aldymen, bilim berý sapasy. Sonymen qatar joǵary oqý ornynyń ǵylymı-zertteý qyzmeti, bilim berý baǵdarlamarynyń sapasy, akademııalyq bedel, ǵylymı jetistikter, túlekterdiń tabystylyǵy, ınfraqurylymdyq damý deńgeıi jáne taǵy basqa kórsetkishter esepke alynady.
Ál-Farabı atyndaǵy QazUÝ-dyń halyqaralyq reıtıngterdegi kóshbasshylyq oryndary - ýnıversıtet ujymynyń bilim berý men ǵylymı-zertteý qyzmetin ınternatsıonalızatsııalaý jáne halyqaralyq básekege qabilettilikti arttyrýdaǵy júıeli jumysynyń jemisi.
