Amerıkalyqtar Qazaqstanǵa vıdeoquttyqtaýlar jiberip jatyr

ASTANA. QazAqparat - Qazaqstan Respýblıkasy men AQSh arasyndaǵy dıplomatııalyq qarym-qatynastyń ornaýyna 25 jyl tolýyna oraı, qazaqstandyqtar men amerıkalyqtar vıdeoquttyqtaý ázirledi, dep habarlady Almatydaǵy AQSh Konsýldyǵy.

«2016 jyl boıy biz AQSh pen Qazaqstan arasyndaǵy dıplomatııalyq qarym-qatynastyń 25 jyldyǵyn toıladyq. Tipti ǵaryshtan da quttyqtaýlar kelip jetti. Endi amerıkalyqtar men qazaqstandyqtar AQSh-tyń túkpir-túkpirinen quttyqtaý vıdeolaryn jiberýde! #USKZ25», - dep jazdy dıplomatııalyq ókildik óziniń feısbýk paraqshasynda. Quttyqtaýshylar «25 jyl birge» logosymen fotoǵa tústi jáne qazaq, aǵylshyn jáne orys tilderinde quttyqtady.

Eske sala ketsek, 1991 jyly 25 qyrkúıekte AQSh Qazaqstan Respýblıkasynyń táýelsizdigin tanyǵan úshinshi memleket (Túrkııa men RF keıin) boldy. Qurama Shtattar Qazaqstanda elshiligin ashqan alǵashqy memleket boldy. 1992 jyly qańtar aıynda Almatyda ashylǵan elshilik 2006 jyly Astana qalasyna kóshirildi. 2009 jyly AQSh Almaty qalasynda Bas Konsýldyq ashty. Qazaqstan Respýblıkasynyń táýelsizdigi jyldary taraptar qurylymdyq ekijaqty qarym-qatynas ornatty.