Amerıkalyqtar Elvıs Preslıdiń 80 jasyn atap ótedi
ASTANA. QazAqparat - 8 qańtarda «rok-n-roll koroli» Elvıs Preslıge 80 jas. Tańerteńnen bastap, mýzykanttyń jankúıerleri amerıkalyq Memfıs (Tennesı shtaty) qalasyndaǵy «Greıslend» qonysyna jınalyp jatyr, dep habarlady TASS.
Onda olar mereıtoıyǵa arnalǵan sharany úlken tort kesý rásiminen bastamaq. Oǵan Preslıdiń zaıyby Prıstsılla Preslı qatysady. Saltanatty kesh «Greıslend» ınternet-saıtynda tikeleı efırden kórsetiledi.
Sodan keıin, Memfıste Preslı ómiri men shyǵarmashylyǵyna arnalǵan birqatar jıyndar ótedi.
Eske alaýǵa arnalǵan mereıtoı aıasynda bássaýda da uıymdastyrylyp, oǵan Preslı esimimen baılanysty 70 zat satýǵa shyǵarylady. Atap aıtqanda onyń alǵashqy mýzykalyq jazbasy satylady degen boljam bar.
Forbes derekterine súıensek, ótken jyly Preslı muragerleri onyń eńbekteri arqasynda 50 mln. dollardan astam paıda tapqan.
«Rok-n-roll koroli» 1977 jyly 16 tamyzda 42 jasynda qaza tapqan.
