Amerıkalyqtar el bıliginiń tyńshylyǵyna qarsy
ASTANA. 27 qazan. QazAqparat - AQSh-ta 5 myńǵa jýyq adam Ulttyq qaýipsizdik agenttiginiń tyńshylyǵyna qarsy narazylyq sharasyn ótkizdi, dep habarlaıdy 24.kz saıtynan.
Ereýilshiler amerıkalyqtarǵa qatysty astyrtyn áreketterin doǵaryp, arnaıy qyzmettiń osy saladaǵy múmkindikterin shekteıtin zań qabyldaýdy talap etýde. Bul shara kongrespen qabyldanǵan Parıottyq aktiniń 12 jyldyǵyna oraı ótti. Dál osy akt elektrondy habarlamalar men telefon áńgimelerin ańdyp otyrý baǵdarlamasyna negiz bolǵan. Aıta keteıik, osy aptada Ulttyq qaýipsizdik agenttigi Germanııa kantsleriniń telefonyn tyńdap keldi degen aqparat jahanǵa jaıyldy. Sonymen qatar arnaıy qyzmet ókilderi Frantsııa azamattarynyń da telefon áńgimelerin jasyryn tyńdap otyrǵan.
