Amerıkalyqtar asa aýyr SLS zymyranyn ushyrýdy keıinge shegerdi
ASTANA. QazAqparat - Space Launch System zymyran-tasyǵyshy alǵash ret ǵaryshqa 2018 jyldyń sońynda attandyrylýy tıis edi.
Ony bolashaqta Mars pen Aıdy baǵyndyrýǵa qoldanylatyn Orion kemesi orbıtaǵa alyp shyǵady dep kútilgen.
Alaıda qazir NASA úkimetke zymyran ushyrýdy keıinge qaldyrýdy josparlaǵanyn habarlady. Sońǵy sheshim qyrkúıek aıynyń sońynda qabyldanady, dep jazdy Space News portaly. https://spacenews.com/nasa-plans-to-delay-first-slsorion-mission-to-2019/
Portaldyń habarlaýynsha, ushyrý merzimin aýystyrýǵa eýropalyq seriktester ázirleıtin Orion kemesine arnalǵan servıstik modýl jetkizilimderiniń keshigýi sebep bolǵan. Atalǵan modýl 2017 jyldyń qańtar aıynda AQSh-qa jetkizilýi tıis bolǵan. Servıstik modýldi montajdaýdyń ózi bir jylǵa sozylýy múmkin: AQSh mamandary bul jumysty tezirek bitirýdi kózdep otyr. Jaqyn arada NASA sarapshylary Orion kemesin ushqyshsyz nemese birden basqarylatyn nusqada ushyrý máselesin sheshýi tıis.
SLS pen Orion juby ǵaryshtyń alys jerlerinde mıssııalardy oryndaýǵa arnalǵan. Atap aıtqanda, zymyran men kemeni Marsqa ushý úshin qoldaný kózdelgen. Space Launch System tómengi bekinis orbıtasyna 130 tonnaǵa deıin paıdaly júkteme shyǵara alady. Birneshe ret ushyrýǵa bolatyn Orion ǵarysh apparatyna alty astronavt sııady. Ony Lockheed Martin kompanııasy qurastyryp jatyr.
