Amerıkalyqtar álemdegi eń myqty jasandy júrek jasap shyǵardy
ASTANA. QazAqparat - Amerıka ǵalymdary álemdegi eń myqty jasandy júrekti jasap shyǵardy. Jumsaq materıaldardan jasalǵan múshe basqa quraldarǵa qaraǵanda suıyqtyqtyń kóp kólemin ótkizýge múmkindik berip otyr, dep jazady Advanced Materials.
Iilgish sılıkonnan jasalǵan jasandy júrek qatty materıaldan jasalǵan kardıoprotezderge qaraǵanda ishine aýanyń ótkizilýine múmkindik beredi. Sonyń arqasynda múshe kádimgi júrek tárizdi jumys isteıdi.
Syrtqy sorǵy dene tinderimen hımııalyq reaktsııaǵa túspeıtin materıaldardan jasalǵan. Onyń kómegimen aýa men suıyqtyq jasandy júrek arqyly ótedi. Protez plastıktiń juqa qabatymen jabylǵan, bul materıaldardyń aǵyp ketýine jol bermeı, teriniń rólin atqarady.
Tórt kameradan turatyn adam júregine qaraǵanda, jańa apparattyń eki kamerasy ǵana bar. Ǵalymdar olardyń arasyndaǵy suıyqtyqtyń turaqty ótip turýyna sorǵyǵa aýa kirgizý arqyly qol jetkizgeni atap ótiledi.
Ázirge jasandy júrek medıtsınalyq maqsatta paıdalanýǵa daıyn emes. Bul adam denesi temperatýrasynyń jaǵdaıynda sılıkon kópirshigi qasıetiniń ázirge túsiniksiz bolýymen túsindiriledi. Budan basqa, ótkiziletin suıyqtyqtyń jyldamdyǵy adam júreginiń jumysyna tolyq sáıkes kelmeı otyr.
