Amerıkalyqtar 2020 jyly Aq úıden Mıshel Obamany kórgisi keledi
ASTANA. QazAqparat - Prezıdent oryntaǵyndaǵy Donald Tramptyń alǵashqy qadamdaryna kóńili tolmaǵan AQSh-tyń Demokratııalyq partııasynyń jaqtastary áleýmettik jelilerde kelesi prezıdenttik saılaýǵa Barak Obamanyń jubaıyn qatysýǵa shaqyrýda.
Sonymen, Facebook-ta ótken jyldyń ózinde «Mıshel Obama - 2020 jyly prezıdenttikke» (Michelle Obama For President 2020) ataýymen birneshe qoǵamdastyqtar tirkelgen. Oǵan 1,5 mln astam adam jazylǵan.
Pikirlerde qatysýshylar Trampty synǵa alyp, burynǵy prezıdent jubaıynyń kúshti jaqtaryn talqylaýda. Sebebi Barak Obama Konstıtýtsııa boıynsha endi memleket basshysy ornyn ıelene almaıdy. Sondyqtan jankúıerleri onyń jubaıyna úmit artýda.
Al Mıshel Obama esh ýaqytta saılaýǵa qatyspaıtynyn birneshe ret málimdegen bolatyn.
