Amerıkalyq jýrnalıst Denıs Tenge altyn júlde berýdi talap etýde
ASTANA. 26 naýryz. QazAqparat - Amerıkalyq jýrnalıst Monıka Frıdlender bıylǵy jylǵy álem chempıonatynda qazaqstandyq Denıs Ten jeńiske jetti dep oılaıdy. Ol halyqaralyq konkı federatsııasy prezıdenti Ottavıo Chınkvante pen HOK basshysy Jak Roggeniń atyna arnaıy hat jazyp, Denıs Tenge altyn medal berýdi talap etpek. Jáne ol arnaıy petıtsııaǵa qazir qol jınap jatyr, dep habarlaıdy «Alaman» ulttyq sport portalynan.
Kanadada ótken álem chempıonatynda qazaqstandyq sportshy jarys qojaıyny Patrık Channan utylyp, kúmis medal alǵan edi. Amerıkalyq jýrnalıstiń oıynsha, bıylǵy syndy Chan emes Ten utqan.
«Bizdiń oıymyzsha, Chanǵa ádiletsiz túrde altyn medal berildi. Chan ekinshi baǵdarlamada eki ret qulasa da altyn aldy. Mundaı qateliktermen altyndy bylaı qoıǵanda tuǵyrǵa shyǵýdyń ózi ádiletsizdik. Bıylǵy jyldyń altyn medali Denıs Tenge berilýi tıis» dep jazylǵan Frıdlenderdiń hatynda.
Buǵan deıin, Denıs Tenniń álemdik synda altyn alý kerektigin olımpıada chempıony Evgenıı Plıýşenko, amerıkalyq mánerlep syrǵanaýshylar Djonnı Veır jáne Todd Eldrıdj de qadap aıtqan edi.
