Amerıkalyq júrgizýshi gazdalǵan sýsynǵa shashalyp qalyp, 23 jańa kólikti qıratty
ASTANA. QazAqparat - Amerıkanyń Pensılvanııa shtatyndaǵy Hermıtıdj qalasynda sút tsısternasynyń júrgizýshisi 23 jańa kólikti qıratyp tastady.
58 jastaǵy Tomas ıAng (Thomas Young) gazdalǵan sýsynǵa shashalyp qalyp, joldan ushyp ketken. Saldarynan Buick, GMC jáne Cadillac kólikteri dılleriniń avtoturaǵyna kirip ketip, jap-jańa 23 kólikti soǵyp, qıratqan. Onyń biri júk kóliginiń salonyna kirip ketken, dep jazady Lenta.rý.
Oqıǵa saldarynan eshkim zardap shekken joq. Keıin belgili bolǵandaı, júk kóliginde eshqandaı aqaý bolmaǵan. Alaıda júrgizýshi tejegishti basyp úlgermegen.
