Amerıkalyq jazýshy: «Borat»- tarıhtaǵy eń násilshil fılm
NUR-SULTAN. QazAqparat – «Borat» - Qazaqstan halqyn ashyq túrde qorlaıtyn tarıhtaǵy eń násilshil fılm. Bul týraly amerıkalyq jazýshy Nassım Taleb óziniń Twitter paraqshasynda jazdy, dep habarlaıdy QazAqparat.
«Borat» -Qazaqstan halqyn ashyq túrde qorlaıtyn tarıhtaǵy eń násilshil fılm. Kóptegen adamdar konteksten tys sózderdi durys qoldanbaǵany úshin kópshilik aldynda aıyptalady. Men «Borat – parodııa» degen syńaıly jazǵandardyń barlyǵyn buǵattadym. Iá, men munyń parodııa ekenin bilemin. Biraq meni «parodııanyń» qosarlanǵan standarty kóbirek qyzyqtyrady. Eger násilshil ázilder (is júzinde qorlaý) keıbir násilderdiń ókilderine ruqsat etilse, al onda basqalary bolmasa, bul násilshildiktiń eń nashar túri», - dedi Nassım Taleb.
Sonymen qatar, jazýshy Qazaqstanda birneshe ret bolǵany týraly aıtty.
«Men Qazaqstanda birneshe ret bolǵanmyn. Sol kezde turǵyndar Borattyń shyn máninde Qazaqstannyń ókili emes ekendigin, bul ádiletsiz bolǵanyn jáne fılmniń kóp zııan keltirgeni týraly únemi aıtatyn. Birde men Marat degen júrgizýshini Borat dep baıqaýsyzda aıtqanym úshin qatty reaktsııa týǵan bolatyn», - dep tolyqtyrdy ol.
