Amerıkalyq zeınetker lotereıadan 344 mıllıon dollar utyp aldy
ASTANA.QazAqparat - Nıý-Iork qalasynyń 67 jastaǵy turǵyny Robert Beılı «Powerball» lotereıasynan 344 mıllıon dollar utyp aldy, dep habarlaıdy QazAqparat.
New York Times-tyń habarlaýynsha, Beılı 25 jyl boıy uqsas rettik san boıynsha «Powerball» lotereıasyn satyp alyp otyrǵan.
«Men bul rettik sanmen jalǵasty lotereıa satyp alamyn. Birneshe jyldyń aldynda, osy sandar arqyly Take Five lotereıasynan 30 myń dollar utyp alǵan edim. Bul aqshany ıgi isterge jumsap, urpaqtarymnyń jaǵdaıyn jasasam deımin. Sondaı-aq, saıahatqa attaný josparymda bar», - dedi zeınetker.
Aıta keteıik, Robert Beılı utyp alǵan aqshany alý úshin 198 mıllıon dollar salyq tóleýi kerek bolǵan.
