Amerıkalyq zertteýshiler qaı mamandyq ıeleriniń ishimdikti kóp paıdalanatynyn anyqtady
ASTANA. QazAqparat - Іshimdik pen esirtki zattaryn paıdalaný mamandyqqa baılanysty, dep málimdedi AQSh densaýlyq saqtaý jáne áleýmettik qyzmetter mınıstrligi. Olardyń baǵalaýynsha, aýyr qara jumys jasaıtyndar - shahterler men qurylysshylar ishimdikke áýes bolyp keledi eken.
Qara jumysshylar ishinde maskúnemderdiń sany kóp bolyp shyqty. Mamandardyń esepteýinshe, shahterlardyń 17,5%-y alkogoldi ishimdikti kóp mólsherde paıdalanady eken. Ekinshi orynda qurylysshylar. Mundaǵy kórsetkish 16,5%, dep habarlady Lenta.ru.
Úshinshi orynǵa qonaq úı jáne meıramhana bıznesinde jumys isteıtinder ornyqty. Bul sala qyzmetkerleri esirtkini paıdalaný boıynsha kósh bastady. Olardyń 19%-y tyıym salynǵan preparattarǵa áýes eken.
Menedjerler de ishimdikten góri esirtkini qalaıdy. 12%-dan astamy esirtkini, al 10%-ǵa jýyǵy kóp mólsherle ishimdikti paıdalanady.
Densaýlyq saqtaý men bilim berý salasynyń qyzmetkerleri alkogoldi paıdalaný boıynsha tizim sońynda. Olardyń 5%-ǵa tarta ókili spırtti ishimdikterdi shamadan artyq ishedi.
