Amerıkalyq tikushaq Iemende apatqa ushyrady
ASTANA. QazAqparat - AQSh qarýly kúshteriniń tikushaǵy Iemen jaǵasynda apatqa ushyrady, dep habarlaıdy RIA Novostı.
«AQSh tikushaǵy Black Hawk 25 tamyz kúni jergilikti ýaqytpen saǵat 7-ler shamasynda ushý-jattyǵý jumystary kezinde Iemenniń ońtústik jaǵalaýynan 20 mılıada (36 shaqyrym) apatqa usharady», - delingen habarlamada.
Bortta bolǵan bes áskerı qyzmetkerdi amerıkalyq qutqarýshylar taýyp aldy. Taǵy bireýin izdeý jumystary jalǵasyp jatyr.
Apat boıynsha tergeý amaldary júrgizilýde.
