Amerıkalyq tergeýshiler «Vıkılıkstiń» negizin salýshyny sotqa tartýǵa naqty dálel taba almady
ASTANA. 10 aqpan. QazAqparat - Amerıkalyq tergeýshiler «Vıkılıks» uıymynyń negizin salýshy Djýlıan Assandjdy AQSh memlekettik departamentiniń qupııa qujattaryn jarııa etkeni úshin sotqa tartýǵa naqty dálel taba almady.
Bul týraly «Ýoll strıt djornel ıÝrop» gazeti tergeý barysymen tanys resmı amerıkandyq derek kózderine silteme jasaı otyryp málim etti, dep habarlaıdy ITAR-TASS.
Qazirgi ýaqytta Assandj Ulybrıtanııada úıqamaqta otyr. Ol Shvetsııaǵa qaıtarylýyn sheshetin sot tyńdalýyn kútýde. Bul elde oǵan áıel zorlaýǵa qatysty kúdik keltirilýde.
Federaldy tergeý bıýrosynyń agentteri jáne AQSh Ádilet mınıstrliginiń tergeýshileri Assandjǵa aıyp taǵyp, AQSh-qa aldyrý úshin dálelder izdep jatyr. AQSh bıligi Assandjǵa qarsy tyńshylyqqa qatysy bar degen aıyp taqpaı otyr, sebebi bul jaǵdaıda ony Eýropadan aldyrý múmkin bolmaıdy. Amerıkandyq zańnamada tyńshylyqqa ólim jazasy belgilengen, al eýropalyq elder ólim jazasy qoldanylatyn elderge kúdiktilerdi bermeıdi.
