Amerıkalyq tennısshi Vınýs Ýılıamsty sotqa berdi
ASTANA. QazAqparat - Amerıkalyq tennısshi Vınýs Ýılıams kinásinen oryn alǵan jol apatynan mert bolǵan er adamnyń otbasy, sportshyny sotqa berdi, dep habarlaıdy Associated Press.
Florıda polıtsııasy bolǵan jol apatynyń sebepterin tekserip jatyr. Sportshynyń advokaty bolsa onyń kinásizdigin alǵa tartýda. Ol Vınýs Ýılıams jol júrý erejelerin buzǵan joq dep esepteıdi.
Oqıǵa kýágerleriniń aıtýyna qaraǵanda, Ýılıams júrgizip kele jatqan avtomobıl kóshe qıylysynda ishinde 78 jastaǵy Djer Barson otyrǵan basqa kólikpen soqtyǵysqan, mashınanyń rýlinde onyń jubaıy bolǵan. Jol apatynan zardap shegýshi aýrýhanaǵa jetkizildi, ol kóp uzamaı kóz jumdy. Onyń jubaıy da kóptegen dene jaraqattaryn alǵan, alaıda onyń ómirine esh qaýip joq.
Aıta keteıik, 37 jastaǵy Ýılıams «Úlken shlem» týrnırleriniń jeti márte jeńimpazy. Tórt ret Olımpıada oıyndarynyń altyn medalin utyp alǵan.
