Amerıkalyq tarap QR Prezıdenti júrgizip jatqan saıası reformalardy joǵary baǵalady

NUR-SULTAN. QazAqparat - Qazaqstan Prezıdentiniń Halyqaralyq yntymaqtastyq boıynsha Arnaıy ókili Erjan Qazyhannyń Amerıka Qurama Shtattaryna jumys sapary ótti. Bul týraly QazAqprat SІM silteme jasap habarlaıdy.

Aq úıdiń, Memlekettik departamenttiń jáne AQSh Kongressiniń basshylyǵymen kezdesýler barysynda eki jaqty kún tártibindegi kóptegen máseleler, sonyń ishinde Keńeıtilgen strategııalyq seriktestik, saýda-ekonomıkalyq jáne ınvestıtsııalyq yntymaqtastyqty tereńdetý perspektıvalary, jahandyq qaýipsizdik salasy, sondaı-aq «S5+1» dıalogy sheńberinde aımaqtyq yntymaqtastyqty nyǵaıtý talqylandy.

Amerıkalyq tarap Memleket basshysy júrgizip jatqan saıası reformalardy joǵary baǵalady jáne olardy júzege asyrýdy qoldaýǵa daıyn ekenin bildirdi. Qoldanystaǵy mehanızmder sheńberinde Qazaqstan men AQSh arasyndaǵy Keńeıtilgen strategııalyq seriktestikti tereńdetý týraly ýaǵdalastyqqa qol jetkizildi.

Sondaı-aq, taraptar eki el arasyndaǵy dıplomatııalyq qatynastar ornatylýynyń 30 jyldyǵyna arnalǵan is-sharalardy talqylady.

AQSh Kongresi ókilderimen kelissózderde parlamentaralyq yntymaqtamtastyqty ary qaraı damytý týraly kelisildi.