Amerıkalyq senatorlar Reseıdi fýtboldan álem chempıonatyn ótkizý quqyǵynan aıyrýdy surady
ASTANA. QazAqparat - Respýblıkalyq partııa ókilderi, senatorlar Mark Kırk (Illınoıs shtaty) jáne Den Koýts (Indıana) Halyqaralyq fýtbol federatsııasynyń (FIFA) prezıdenti Iozef Blatterge Reseıdiń uıymdaǵy músheligin toqtatýǵa úndeıtin hat jiberdi. Senatorlar málimdemesi Kırktiń resmı saıtynda jarııalandy, dep habarlady RBK.
«Ýkraınaǵa ásker engizgeni úshin FIFA-nyń kezekten tys otyrysyn jedeldetip ótkizip, onda uıymdaǵy Reseı músheligin toqtatý týraly máseleni qaraýdy, Reseıdi 2018 jyly álem chempıonatyn ótkizý quqyǵynan aıyrýdy jáne Reseı quramasynyń 2014 jyly Brazılııada ótetin Álem chempıonatyna qatysý quqyǵynan aıyrýdy suraımyz», delingen hatta.
Senatorlar FIFA-nyń mundaı sheshimdi budan buryn qabyldaǵanyn eske saldy: FIFA ıÝgoslavııaǵa 1992 jyly Eýropa chempıonatyna, 1994 jylǵy álem chempıonatyna qatysýǵa tyıym salǵan.
Fýtbol boıynsha álem chempıonaty 2014 jylǵy 12 maýsymnan 13 shilde aralyǵynda Brazılııada ótedi. Reseı quramasy Fabıo Kapellonyń basshylyǵymen bul jarysta Belgııa, Aljır jáne Ońtústik Koreıamen bir topta baq synaıdy. Jalpy, reseılik komanda sońǵy ret álem chempıonatyna 2002 jyly qatysqan. 2018 jyly álem chempıonaty Reseıdiń 11 qalasynda ótpekshi.
