Amerıkalyq repper Good Boy Killa ataýymen GGG jaıly jańa án jazyp jatyr
ASTANA. QazAqparat - Amerıkalyq repper Marıo Rýız Good Boy Killa ataýymen Gennadıı Golovkın týraly jańa ánin jazý ústinde, ol «Good boy killa» («Jaqsy jigitterdi óltirýshi») dep atalady, - dep habarlady VKontakte-de boksshynyń resmı toby.
«Tikeleı stýdııadan. GGG barlyq jankúıerleriniń nazaryna! «Good boy killa» ataýymen Golovkınniń jańa ánurany jazylýda. Eger «Mexican Style» áni sizderdiń kóńilderińizden shyqsa, bul án de júrekterińizden jol tabatyny sózsiz. 21 aqpanda Golovkın - Mıýrreı jekpe-jegin jiberip almańyzdar!», - dep ártis óz Instagram paraqshasynda jazdy.
Eske salsaq, Marıo Rýıs Omar Krýspen birlesip Gennadıı jaıynda án jazyp, oǵan klıp te túsirgen.
