Amerıkalyq ózine akýlanyń shabýyl jasaǵanyn vıdeoǵa túsirip alǵan
ASTANA. QazAqparat - Amerıkalyq Parker Sımpson Florıdada sý astynda balyq aýlaý kezinde ózine akýlanyń shabýyldaǵan sátin vıdeoǵa túsirip alǵan.
Rolıkten Parkerdiń bir qolyna iri balyq ustap, sý túbine úńilip qaraǵany, janynda Djastın degen dosynyń birge júzip júrgeni anyq kórinedi.
Bir kezde kadrda kenetten akýla paıda bolady, bastapqyda Parker ony baıqamaı qalady. Akýla oǵan qaraı júzip kelip, aıaǵynan tistep aldy.
Balyqshynyń aıtýynsha, akýla qolyndaǵy balyqty tartyp alǵysy kelgen sııaqty. Birinshi shabýyldan keıin jyrtqysh qaıta oralǵan joq.
