Amerıkalyq ózin-ózi qorǵaý úshin tasbaqany balǵamen óltirgenin aıtty
ASTANA. QazAqparat - Amerıkalyq ózin-ózi qorǵaý úshin tasbaqany balǵamen óltirgenin aıtty. Er adamnyń sózine qaraǵanda, tasbaqa jarmasqan balyq aýlaý ilmegin qaıtarmaq bolǵan, alaıda janýar onyń qolynan birneshe ret tistegen.
55 jastaǵy Tehas turǵyny Terrı Vashıngton ózin-ózi qorǵaý úshin tasbaqany balǵamen óltirgenin aıtty. Bul týraly The Sun brıtanııalyq tabloıdynan habarlandy.
Tasbaqany óltirip jatqan sátin sol jermen ótip bara jatqandar vıdeoǵa túsirip aldy. Olardyń sózine qaraǵanda, Vashıngton sanaly túrde tasbaqany sýdan shyǵaryp, keıin ony balǵamen eń kemi on ret soqqylaǵan.
Er adam óz kinásyn moıyndamady. Balyq aýlaý ilmegin qaıtarǵysy kelgenin aıtty. Terrıdiń dosy polıtseılerge aıyptalýshy tasbaqa balyqtardy úrkitkeni úshin shamdanǵanyn aıtty, dep jazdy life.ru/t.
