Amerıkalyq otbasy asyrap alǵan jigit Qazaqstanda qalǵan áke-sheshesin izdep jatyr
«Meniń baýyrymdy da Qazaqstannan asyrap alǵan jáne ol óziniń bıologııalyq áke-sheshesin izdeıdi. Ókinishke oraı onyń qujattarynda bıologııalyq ákesi kórsetilmegen. Biraq, shyqqan tegine júrgizilgen testten onyń qazaq ekenin bilemiz. Baýyrymnyń týǵanda berilgen aty-jóni – Andreı Shatalın. Bıologııalyq anasynyń aty-jóni Shatalına Natlıa Alekseevna. Ol orys bolýy múmkin. Shamamen 1973 jylydúıege kelgenin jáne ony dúnıege ákelgende 28 jasta bolǵan. Baýyrym 2002 jyldyń 13-19 qazany aralyǵynda dúnıege kelgen», - dep jazdy Facebook-tegi Kazakh American Association paraqshasynda Elızabet Azız.
Onyń atap ótýinshe, qujattarǵa sáıkes, Andreıdiń týǵan aasynyń taǵy bir balasy bolýy múmkin.
«Baýyrym Qazaqstan, Astana qalasyndaǵy Manas kóshesi 8 mekenjaıda dúnıege keldi. Ol jerde qazir aýrýhana áli barma bilmeımin. Ony perzenthanaǵa tastap ketken. Sodan keıin Astanadaǵa mamandandyrylǵan balalar úıine ornalastyrǵan. Qolymyzda bar aqparat osy ǵana», - dedi ol.
