Amerıkalyq otbasy asyrap alǵan qazaqstandyq balalar jynysyn aýystyrdy
ASTANA. QazAqparat - Djeff jáne Merı Tımmons atty erli-zaıyptylar Qazaqstannan úsh bala, Reseıden bir bala asyrap alǵan. Ókinishke oraı, qaı bala bizdiń elden qamqorlyqqa alynǵany belgisiz. Áıteýir ortanshy uly bir kúni qyz bolǵysy keletinin, al qyzy ul bolǵysy keletinin jarııalaǵan. Al ata-analary bolsa, balalardyń bul tańdaýyna qurmetpen qarap, olardyń tilekterin oryndaýǵa bel býypty, dep habarlaıdy «Ekspress-K».
Nıý-Iorktegi otbasynyń mundaı tosyn jańalyǵyn Timesledger basylymy jarııalady. Ata-analarynyń ótinishimen olardyń aty-jónderi de ózgertilipti.
Gebrıel Gebrıellaǵa aınalǵysy kelgende er bala nebári tórtte ǵana bolǵan eken. «Onyń minezi jumsaq, názik, mashına, tapanshamen emes, qýyrshaqtarmen oınaıtyn», - deıdi otaǵasy Djeff Tımmons. Aǵasynyń izinshe qaryndasy Djeımı de qyz emes ul bolǵysy kelemin depti. Djeff Tımmons balalarynyń mundaı qadamyna synyptastary qalaı qaraıdy eken dep alańdaǵan. Alaıda ázirge olardyń dostarymen qarym-qatynastary jaqsy. Qazir Gebrıella toǵyzda. Jynystyq jetilýge deıin oǵan gormonaldyq damýyn tejeıtin arnaıy preparattar qabyldaý qajet. 16 jasynda ol naqty sheshim qabyldaýy tıis. Qajet bolǵan jaǵdaıda, oǵan jasalatyn gormonaldyq terapııa men hırýrg skalpeli onyń qyz bolý armanyn oryndaı alady.
