Amerıkalyq oqýshy qyz dombyrada «Qara jorǵany» oryndady

ASTANA. QazAqparat – Amerıkalyq oqýshy qyz dombyrada «Qara jorǵa» kúıin oryndady, dep habarlaıdy QazAqparat tilshisi.

Oqýshy qyzdyń dombyrada qazaqtyń halyq kúıin oınaǵan sátinen vıdeony Qazaqstandaǵy AQSh Elshiligi áleýmettik jelide bólisti.

«Men Flex abroad baǵdarlamasynyń stýdentimin jáne qazirgi ýaqytta Almatydamyn. Osydan bes aı buryn Mınnesota shtatynan kelgen edim. Meniń eń súıikti sabaqtarymnyń biri – dombyrada oınaý. Al eń súıikti kúılerimniń biri «Qara jorǵa» dep atalady», - dedi amerıkalyq Rıa Edberg.

Aıta keterligi, áleýmettik jeli qoldanýshylary amerıkalyq oqýshy qyzdyń ónerin joǵary baǵalap, izgi tilekterin bildirip jatyr.