Amerıkalyq Novavax vaktsınasy 90% joǵary tıimdilikti kórsetti
NЬıÝ IORK. QazAqparat – Amerıkalyq kompanııa Novavax Inc (NVAX.O) COVID-19-ǵa qarsy vaktsınasy 90%-dan astam tıimdi ekenin málimdedi, dep habarlaıdy QazAqparat Reuters-ke silteme jasap.
Onyń ishinde koronavırýstyń ártúrli nusqalaryna qarsy tıimdiligin kórsetken.
Kompanııanyń málimetinshe, Amerıka Qurama Shtattary men Meksıkada 30 000-ǵa jýyq eriktilerdiń qatysýymen júrgizilgen zertteýdiń arqasynda Novavax 2021 jyldyń úshinshi toqsanynda AQSh jáne basqa elderde tótenshe jaǵdaı kezinde vaktsınany paıdalanýǵa ruqsatqa ótinim bere alady.
Kompanııa aqýyzǵa negizdelgen vaktsına koronavırýstyń ońaı beriletin basym nusqalaryna qarsy tıimdiliktiń 93%-dan astamyn kórsetti deıdi. Aqýyzǵa negizdelgen vaktsınalar dástúrli tásildi qoldanady. Onyń aıasynda vırýstyń tazartylǵan bólshekteri ımmýndyq reaktsııany yntalandyrý úshin qoldanylady, mysaly, kókjótel men beldemshelik temiretkige qarsy qoldanylatyn vaktsınalar.
Novavax zertteý jáne damytý bóliminiń bastyǵy doktor Gregorı Glenn AQSh-ta Novavax vaktsınasyn synaqtan ótkizý kezinde Ulybrıtanııada alǵash ret tabylǵan jáne qazir alfa nusqasy retinde belgili vırýs taralǵanyn aıtty. Novavax vaktsınasy engizilgen eriktilerde brıtandyq shtamm, sondaı-aq brazılııalyq, ońtústikafrıkalyq jáne úndilik nusqalary tabyldy.
Synaq nátıjesinde vaktsına ınfektsııanyń aýyr túri bar eriktiler arasynda 91% nemese odan da kóp, al Covid-19 ortasha jáne aýyr jaǵdaılary bar eriktiler arasynda 100% tıimdilik kórsetti.
Doktor Glennniń aıtýynsha, vaktsına Novavax anyqtaı almaıtyn vırýstyq nusqalarǵa qarsy shamamen 70% tıimdi boldy.
Kompanııa sonymen qatar vaktsınanyń jeńil ekenin aıtty. Janama áserlerge bas aýrýy, sharshaý jáne bulshyqet aýyrýy kirdi. Novavax kompanııasy 2021 jyldyń úshinshi toqsanynyń aıaǵynda aıyna 100 mıllıon doza jáne 2021 jyldyń tórtinshi toqsanynda aıyna 150 mıllıon doza shyǵarýdy josparlap otyr.
Tatıana Kýdrenok
