Amerıkalyq mýzykanttar Abaıdyń ánin oryndady
ASTANA. QazAqparat - Elimizdiń rýhanı ortalyǵy Semeı qalasynda amerıkalyq mýzykanttar Abaı ánin oryndady, dep habarlaıdy Habar 24.
Muhıt asyp kelgen «Hamın haýs folk» toby qazaqtyń danyshpan aqynynyń áıgili «Aıttym sálem, Qalamqas» shyǵarmasyn jergilikti mýzyka kolledji stýdentterimen birge shyrqady. Munan ózge aǵylshyn tilindegi týyndylar da kópshiliktiń kóńilinen shyqty.
Toptyń kontserti Qazaqstandaǵy AQSh elshiliginiń «Sheteldegi amerıkandyq mýzyka» baǵdarlamasy aıasynda uıymdastyrylyp otyr. «Maqsatymyz - ózara mádenı yntymaqtastyqty nyǵaıtý», - deıdi elshilik qyzmetkerleri.
«Negizi bul kisilerdiń kontserti elimizdiń Astana jáne Almaty qalalarynda ǵana josparlanǵan bolatyn. Biraq qalalyq mádenıet bólimi qazir AQSh elshiligimen tyǵyz baılanys ornatyp, jaz ýaqytynda halyqqa 2 topty ákelip, taǵy tamasha kontsertter uıymdastyrmaq nıettemiz», - deıdi Semeı qalalyq mádenıet jáne tilderdi damytý bóliminiń jetekshisi Nazerke Aqqojına.
Foto: 24.kz
