Amerıkalyq musylmandar kóshede namaz oqydy
ASTANA. 26 qyrkúıek. QazAqparat - AQSh musylmandary álemniń túkpir-túkpirindegi dindes baýyrlaryna qoldaý bildirý úshin ataqty Medıson-avenıý kóshesinde bas qosty, dep habarlaıdy muslim.kz saıtynan.
Musylman jamaǵatynyń belsendi tobynyń muryndyq bolýymen muhıttyń ar jaǵyndaǵy Nıý-Iork megapolısinde dindes baýyrlarymyzdyń ımamǵa uıyp, namaz oqyǵanyn aıta ketý kerek.
Júrginshilerdiń nazaryn aýdarǵan namaz ýaqytynda, polıtsııa qyzmetkerleri tártipti qadaǵalaýmen boldy. Tipti, keıbir musylman tártip saqshylary da qatarǵa turyp, jamaǵatpen birge namaz oqydy. Bul óz kezeginde áýestik jeńgen buqaralyq aqparat ókilderiniń nazarynan tys qalmady.
Namaz oqylyp bitken soń, qoldarynda óz eliniń baıraǵyn jalaýlatqan olar marafondy bastap kep jiberdi. Marafonǵa qatysqandar jolaı Allaǵa madaq aıtyp, keıbireýleri Quran súrelerin daýystap oqyǵan.
