Amerıkalyq muǵalim Pavlodardaǵy shalǵaı aýylda qamajaı bıleýdi úırendi
PAVLODAR. QazAqparat - Vıskonsın shtatynan Pavlodar oblysy Aqsý qalasy Saryshyǵanaq aýylyna kelgen muǵalim aǵylshyn tilinen sabaq berip júrip, qazaqtyń bıin bıleýdi úırendi, dep habarlaıdy «QazAqparat» HAA tilshisi.
Pavlodar oblysy Aqsý qalasy Saryshyǵanaq aýylyna AQSh-tyń Vıskonsın shtaty Elroı qalasynan erikti bolyp kelgen aýyl sharýashylyǵy ǵylymdarynyń magıstri Bet Kolodzınskı jergilikti balalarǵa bir jarym apta sabaq berdi. 
Aǵylshyn tilin úırenip júrgen mektep oqýshylary men muǵalimderge onyń sabaǵy keremet syılyq boldy, dedi «Jaýqazyn» qoǵamdyq qorynyń dırektory, aǵylshyn pániniń muǵalimi, Saryshyǵanaq orta mektebiniń dırektory Qalımash Baımuhanova.
Ol óziniń qory negizinde tilderdi damytý ortalyǵyn qurǵan (qazaq, aǵylshyn jáne basqa). Qazirgi bul ortalyqtyń túlekteri Astana jáne basqa da qalalarda tilder boıynsha, fılologııalyq mamandyqtar boıynsha tabysty jumys jasaýda.
Kolodzınskı - aǵylshyn tilinde erkin sóıleıtin maman. Saryshyǵanaqtyqtar onyń kómegimen aǵylshyn tilindegi sózderdi durys aıtyp, jyldam sóıleıtin amerıkalyqtyń ár sózin túsinýge tyrysyp baqty. 
Sonymen qatar, Bet balalarǵa óziniń týyp ósken Vıskonsın shtaty týraly, AQSh-tyń geografııasy týraly aıtyp berdi. Barlyq sabaqtar mekteptegi sabaqtardan keıin júrgizilgen.
Bet Kolodzınskıge qazaqtyń dástúrli bıi - qamajaıdy bıleýge úıretti. Ol áıelderge ulttyq taǵamdardy - beshbarmaq, samsa, baýyrsaq ázirleýge kómektesti. 
Baımuhanovanyń aıtýynsha, 52 jastaǵy AQSh-tan kelgen pedagog jastarmen birge basketbol jáne voleıbol aınady.
