Amerıkalyq qyzyn selfıge arnalǵan taıaqshamen qutqardy
ASTANA. QazAqparat - Tehas turǵyny Derık Djons óziniń 16 jastaǵy qyzy Erındi selfı-taıaqshasynyń kómegimen qutqardy.
Nantaket (Massachýsets shtaty) aralynda demalysy kezinde Djons qyzymen Atlant muhıtynda júzip, barlyǵyn shtatıvke bekitilgen GoPro kamerasyna túsirgen. Bir kezde olar qatty aǵysqa túsip ketedi. Erın sýǵa batyp bara jatqanda ákesi oǵan selfı-taıaqshasyn sozyp úlgerip, jaǵalaýǵa deıin júzýge kómektesken, dep jazdy Lenta.ru ABC News-ke silteme jasap.
Erınniń jaǵajaıǵa ózi shyqqany, al Derıkti qatty aǵystyń jaǵalaýdan alyp ketkeni atalyp ótildi. Keıin oǵan sýdan shyǵýǵa demalyp jatqan ózge adamdar men qutqarýshylar kómektesken. Oqys oqıǵadan keıin es jıǵan Djons bul óz ómirindegi eń qorqynyshtysy bolǵanyn aıtty.
