Amerıkalyq qupııa orbıtalyq ushaq eki jyldan soń jerge oraldy
ASTANA. QazAqparat - Amerıkalyq eksperımentaldyq orbıtalyq X-37B ushaǵy eki jylǵa sozylǵan pılotsyz ushyrylymdy sátti aıaqtady.
Ushaq 7 mamyrda Florıdadaǵy Kanaveral múıisindegi ǵarysh shattlge arnalǵan jáne baǵdarlama jabylǵan sátten bastap paıdalanylmaǵan jolaqqa qondy.
Ushaq 2015 jyly mamyrda «Atlas-5» zymyran tasyǵyshy kómegimen sol Kanaveral múıisinen orbıtaǵa shyǵarylǵan. Ol orbıtada 700 táýlikke jýyq boldy.
Ushaq amerıkalyq áskerı-áýe kúshteriniń jedel den qoıý kúshterine eksperımentter júrgizdi.
Ushyrar aldynda eksperımentter jańa ıondyq qozǵaltqysh jasaý boıynsha jumystar aıasynda júrgizilip jatqany habarlanǵan. Alaıda egjeı-tegjeıli aqparat qupııalandyryldy.
Osy zertteý aıasynda X-37B ushaǵynyń orbıtaǵa tórtinshi ushyrylymy júzege asyryldy, qazirgi sátte bul eń uzaq ushyrylym.
Orbıtalyq X-37 ushaǵy 1999 jyly jasaldy. Ol ǵaryshta jerserikterdi jóndeý úshin paıdalanylady dep kútilgen. Alaıda baǵdarlama amerıkalyq ÁÁK-ke berilip, qupııalandyryldy.
