Amerıkalyq kovboıdyń Astanadaǵy kókparǵa daıyndalǵan vıdeosy jarııalandy

ASTANA. QazAqparat - Qazaqstandaǵy AQSh Elshiliginiń Feısbýktegi resmı paraqshasynda amerıkalyq kovboıdyń Astanadaǵy kókpar oıynyna daıyndalǵan vıdeosy jarııalady.

«Amerıkalyq kovboılarǵa kókpar oıyny unady. Olardyń oıynnan áser alǵany sonshalyq, Qazaqstanǵa kelip, qazaq jigitterimen tájirıbe almaspaqshy bolyp sheshti. Olar Astanada ótetin oıynǵa osylaı jattyǵýda», - dep jazdy AQSh Elshiligi.

Budan buryn habarlanǵandaı, AQSh tarıhynda alǵash ret kókpar komandasy Astanaǵa keledi. Elishiliktiń baspasóz qyzmetkeri Ren Elhaı jarysty tamyzda ótkizý josparlanǵanyn aıtty. «Komanda ótken jyly Qyrǵyzstanda ótken halyqaralyq kóshpendiler oıyny aldynda qurylǵan. Olar onda alǵash ret kókparǵa qatysyp, Qazaqstan komandasymen jarysqa túsken.

Olarǵa oıyn qatty unady, sondyqtan odan ári jalǵastyrýdy sheshti. Kovboılar kópten beri at sportymen aınalysady. EXPO aıasynda kókpar boıynsha týrnır ótedi», - dep habarlady Ren Elhaı. Uıymdastyrýshylar mýzykanttarmen kovboılyq atmosfera qalyptastyrýǵa ýáde berýde.