Amerıkalyq kompanııanyń basshysy akýla shabýylynan mert boldy
ASTANA. QazAqparat - Kosta-Rıka jaǵalaýynda akýlanyń shabýylynan áıel adam mert boldy. Ol AQSh-taǵy iri qarjy kompanııanyń dırektory bolyp shyqty, dep habarlaıdy NY Daily News .
Jergilikti bılik taratqan aqparattarǵa qraǵanda, WL Ross & Co. LLS ınvestıtsııalyq fırmasynyń aǵa dırektory Rohına Bhandarı Tynyq muhıtynda akýla tistep alǵannan keıin qaza tapqan. Onyń denesin dostary tanyǵan.
49 jastaǵy qarjyger Kokos aralyndaǵy ulttyq parktiń akvatorııasynda 17 súńgigishten quralǵan toppen birge daıvıngpen aınalysqan. Jyrtqysh olarǵa daıvıngten keıin sýdyń betinde shyqqan kezde bas salǵan. Akýla Bhandarıdi sýdan shyǵaryp alǵanǵa deıin birneshe ret tistep úlgergen. Týrıske alǵashqy kómek kórsetken, alaıda ol aıaǵynan aýyr jaraqat alyp, sonyń saldarynan kóz jumǵan.
Shabýyl saldarynan nusqaýshy da zardap shekken. Biraq ol aman qaldy.
Kosta-Rıka qorshaǵan orta, energetıka jáne telekommýnıkatsııalar mınıstrliginiń habarlaýynsha, qaıǵyly oqıǵa jaǵalaýdan 530 shaqyrym qashyqtyqta Tynyq muhıtynda bolǵan.
Aıta keteıik, Kokos aralynyń ulttyq parki ıÝNESKO Dúnıejúzilik muralar nysany sanalady jáne onda akýlalardyń kóptegen túri mekendeıdi.
