Amerıkalyq kompanııamen kelisimshart: Qazaqstanda egis keshenderi qurastyryla bastaıdy
Elbasy Nursultan Nazarbaevtyń AQSh-qa sapary kezinde eki eldiń isker azamattary ózara kezdesken bolatyn. Onda «Qazaqstandyq agroınnovatsııalyq korporatsııasy» JShS men AQSh-tyń «Amity Technology» kompanııasy arasynda Qazaqstan Respýblıkasy aýmaǵynda «Amity» egis keshenderin qurastyrý jóninde lıtsenzııalyq kelisimshart jasaldy.
«Amity» dep atalatyn qazirgi zamańǵy egis keshenderiniń alǵashqy partııasyn aǵymdaǵy jyldyń naýryz aıynda shyǵarý kózdelgen. Ony oblysymyzdaǵy «Qazaqstandyq agroınnovatsııalyq korporatsııasy» JShS zaýytynda qurastyrý josparlanýda. Qazirdiń ózinde saýda-sattyq boıynsha quny 1,5 mıllıon AQSh dollary bolatyn 12 birlik egis keshenin shyǵarý týraly kelisimshart jasaldy», - dep túsindirdi Óńirlik kommýnıkatsııalar qyzmetinde.
Kəsiporynnyń bas dırektory Oleg Balybınniń sózinshe, osyndaı ınnovatsııalyq jobalardy ashý arqyly naryqqa joǵary tehnologııalyq jabdyqtardy shyǵarýǵa, aýyl sharýashylyǵy tehnıkalarynyń óndirisin jańǵyrtýǵa, óńirdiń agroındýstrıaldy əleýetin arttyrýǵa jol ashylatyn bolady.
Eske sala keteıik, «Qazaqstandyq argoınnovatsııalyq korporatsııasy» JShS aýylsharýashylyq jəne kommýnaldyq tehnıkalardy shyǵaratyn zamanaýı, kópsalaly kəsiporyn bolyp sanalady.
Qazir sapasy joǵary otandyq tehnıkaǵa elimizdiń barlyq óńirlerinen suranys artqan. Traktorlardyń baǵasy qoljetimdi. Sapasyna kepildik bar. Sondyqtan, otandyq sharýashylyqtar alystan almaı, óz elimizden shyqqan tehnıkaǵa tańdaý jasaýda. Osynyń arqasynda kəsiporyn ónim túrlerin keńeıtip, óndiris qarqynyn arttyrýda.
