Amerıkalyq kompanııalar bıoplastık óndirisine mıllıardtap qarjy quıyp jatyr
VAShINGTON. QazAqparat – Kompanııalar qaýipsiz túrde joıýǵa bolatyn tabıǵı, jańartylatyn materıaldardan jasalǵan plastmassa óndirisin keńeıtýge mıllıardtaǵan dollar ınvestıtsııalaýda, dep habarlaıdy QazAqparat CBS News-ke silteme jasap.
i3 Connect platformasynyń málimeti boıynsha, bıoplastıka óndirisine salynǵan ınvestıtsııalar 2022 jyldyń alǵashqy úsh aıynda 500 mıllıon dollarǵa jetti. Budan aldyńǵy eń joǵary kórsetkish 2021 jyldyń sońǵy toqsanynda tirkelgen (350 mıllıon dollar). Zion Market Research baǵalaýy boıynsha bıoplastıka naryǵy 2021 jyly 10,5 mıllıard dollardy qurasa, 2028 jyly shamamen 29 mıllıard dollarǵa deıin ósedi.
Kentýkkı shtatynyń Vınchester qalasynda ornalasqan Danimer Scientific kompanııasy raps maıymen ashytylǵan mıkroorganızmderdi qoldana otyryp, PHA dep atalatyn bıoplastıkalardy shyǵarady. Nátıjesinde munaı-hımııa plastıkasy sııaqty ónimdi óndirý úshin qoldanylatyn plastıkalyq túıirshikter paıda bolady. Synaq kezinde belgili bolǵandaı, PHA Danimer ónimderi teńizde alty aıdan keıin jáne topyraqta eki jyldan keıin bıologııalyq túrde ydyraıdy.
