Amerıkalyq kompanııa Dmıtrıı Balandınniń esimi jazylǵan tólem kartochkasyn shyǵardy
«Visa» - tólem operatsııalaryn júzege asyratyn transulttyq kompanııa. «Visa» komandasy 2020 jylǵy Tokıodaǵy Olımpıada oıyndarynda» baǵdarlamasyna sportshylar ulty men shyǵý tegine qaramastan, Olımpıada jáne Paralımpıada oıyndarynda kórsetken joǵary nátıjelerine qarap tańdalady. QR Ulttyq Olımpıadalyq komıteti usynǵan málimetke sáıkes, tańdaý barysynda sportshynyń jeke qasıetteri men álemdik deńgeıdegi sporttyq jetistikteri jáne qoǵamdyq ómirge etene aralasýyna basa nazar aýdarylady. Atalǵan komanda músheleri «Visa»-nyń yntymaqtastyq, seriktestik syndy qundylyqtaryn pash etýi tıis.
Osylaısha, «Visa» kompanııasy Dmıtrıı Balandınniń esimi jazylǵan kartochkany aınalymǵa shyǵardy.
Dmıtrıı Balandın - 2016 jylǵy Rıo Olımpıadasynda 200 metrge brass ádisimen júzýden altyn medal ıelengen qazaqstandyq júzýshi. Odan bólek, Balandın 2014 jyly ótken jazǵy Azııa oıyndarynda 50, 100 jáne 200 metrge júzýden chempıon atandy. Qazirgi tańda sportshy 100 jáne 200 metrge júzýden Qazaqstan Respýblıkasy rekordynyń ıegeri.
«Bul, men úshin úlken mártebe. Olımpıadalyq qundylyqtardy Qazaqstanda ǵana emes, búkil álem boıynsha nasıhattaý úshin meni tańdap, «Visa komandasy 2020 jylǵy Tokıodaǵy Olımpıada oıyndarynda» baǵdarlamasyna qosqany úshin alǵysym sheksiz. Sonymen qatar, maǵan úlken qoldaý bildirgen Qazaqstan Ulttyq Olımpıadalyq komıtetine zor alǵys. Halyqaralyq Olımpıada komıtetiniń úzdik seriktesimen jumys isteý múmkindigin baǵalaı otyryp, olımpıadalyq qozǵalystyń damýyna úlken úles qosamyz dep senemin», - deıdi Dmıtrıı Balandın.
Atalmysh transulttyq kompanııa 30 jyldan beri Olımpıada oıyndarynyń ǵalamdyq seriktesi sanalady. Sondaı-aq, Paralımpıada oıyndaryna 2003 jyldan beri seriktes atanǵan.
