Amerıkalyq klýb qazaqstandyq hokkeıshini tańdady
ASTANA. QazAqparat - Qazaqstannyń jasóspirimder qurama komandasynyń shabýylshysy Vladıslav Saıkony AQSh hokkeı lıgasynyń draftynda ( Draft - kásibı komandalar buryn lıgadaǵy komandada oınamaǵan sportshyny tańdaý rásimi) «De-Moın Bakkenırs» klýby tańdady, dep habarlaıdy QazAqparat UOK saıtyna silteme jasap.
Bıylǵy maýsymda 17 jastaǵy sportshy «Astana» jáne «Qulager» komandalarynyń quramynda Qazaqstan chempıonatynda 36 kezdesý ótkizip 4 shaıba soǵyp, 5 ret nátıjeli pas shyǵarǵan.
Rıgada ótken jasóspirimder arasyndaǵy álem chempıonatynda 5 kezdesýge qatysyp, eki shaıba soǵyp, bir ret nátıjeli pas shyǵarǵan.
Buǵan deıin Sátbaev qalasynyń «Qazaqmys» komandasynyń tárbıelenýshisi Fınlıandııada oınaǵan.
Esterińizge sala keteıik AQSh hokkeı lıgasynda Astana qalasynyń tárbıelenýshisi Kırıll Panıýkov óner kórsetedi.
