Amerıkalyq kınosynshylar 2014 jyldyń úzdik fılmin atady
ASTANA. QazAqparat - AQSh kınosynshylarynyń ulttyq qoǵamy frank-shveıtsarııalyq rejısser Jan-Lıýk Godardyń «Proşaı, rech» atty dramasyn ótken jyldyń úzdik kartınasy retinde tanydy.
84 jastaǵy rejısserdiń fılmi 3D formatynda oryndalyp, kúıeýge shyqqan áıel, jalǵyzbasty er adam jáne ıt týraly baıandaıdy.
Al Tımotı Spoll 2014 jyldyń úzdik akteri ataǵyna ıe boldy. Ol rejısser Maıkl Lıdiń «Ýılıam Terner» atty ómirbaıandyq fılminde basty róldi somdaǵan. Úzdik aktrısa bolyp Belgııa rejısserleri Jan-Per jáne Lıýk Dardenderdiń «Dva dnıa, odna noch» atty kınotýyndysyna túsken frantsııalyq Marıon Kotıııar ataldy.
«Otrochestvo» fılmin túsirgen Rıchard Lınkleıter úzdik rejısser ataǵyna ıe boldy. Úzdik stsenarıı úshin nagradany Ýes Anderson («Grand Býdapesht» oteli») ıelendi.
Qoǵamnyń nusqasy boıynsha, 2014 jyly Lora Poıtras túsirgen «Grajdanın chetyre» úzdik derekti fılm bolyp tanyldy. Bul týyndy onyń Ortalyq barlaý basqarmasynyń burynǵy qyzmetkeri Edvard Snoýdennen alǵan suhbatyna negizdelip túsirilgen, dep jazady sheteldik BAQ.
