Amerıkalyq kengýrýge qarǵybaý taǵyp, serýenge shyqty
ASTANA. QazAqparat - Detroıtte (amerıkalyq Mıchıgan shtaty) qara násildi er adam kóshede kengýrýdy qarǵybaýmen alyp shyqty.
Bul týraly vıdeony 29 naýryzda Snapchat jarııalady, rolıkti 9news.com.au júktegen.
Detroit News aqparatyna sáıkes, kengýrýmen serýenge ekzotıkalyq janýarlar zoobaǵynyń ıesi Djavon Staks (Javon Stacks) shyqty. Ol kengýrýdy bir balanyń týǵan kúnine aparýy kerek bolǵan. Amerıkalyqtyń aıtýynsha, ol túrli mekemeler men sharalarǵa qustar, baýyrymen jorǵalaýshylar, janýarlardy aparyp otyrady eken.
Jergilikti Detroit Animal Control janýarlardyń quqyqtaryn qorǵaý uıymy kengýrýge qojalyq etýdi zańsyz dep tanyp, tergeý jumystaryn bastady.
