Amerıkalyq qazaq polıtseı Astanada ýgandalyq boksshymen judyryqtasady

ASTANA. QazAqparat - Qazaq promotions kompanııasynyń baspasóz qyzmetiniń habarlaýynsha Astanada ótetin Qanat Islam aıqasynyń anderkartyna judyryqtasatyn Dımash Nııazovtyń qarsylasy anyqtaldy, dep habarlaıdy QazAqparat.

Nıý-Iork qalasynyń polıtsııasy Dımash 15 kezdesýinde 29 jastaǵy ýgandalyq boksshy Charles Mýlındvamen qolǵap túıistiredi. Charles kásipqoı bokstaǵy alǵashqy jekpe-jegin 2012 jyly 26 jeltoqsan ótkizip, 12 kezdesýde jeńiske jetse, 3 ret jeńilip, 1 ret qarsylasymen teń túsken.

Otandasymyz sońǵy kezdesýin 16 maýsymda domınıkandyq Ramon Gevarqa qarsy ótkizip, besinshi raýnda tehnıkalyq nokaýtpen jeńiske jetti.

Aıta keterligi, Dımash - Charles jekpe-jegi 6 raýndqa josparlanyp otyr.

9-qyrkúıekte Astanada ótetin keshte qazaqstandyq Qanat Islam kanadalyq Brendon Kýkke qarsy bəsekede ózine tıesili WBA Inter-Continental jəne WBA-NABO nusqalary boıynsha chempıondyq ataǵyn qorǵaıdy.

Sondaı-aq osy sharada kórermender Janqosh Turarov, Jənibek Əlimhanuly, Alı Ahmedov, Meıirim Nursultanov, Rýslan Myrsataev, Aıdos Erbosynuly, Dımash Nııazov jəne Nursultan Janaıbaev syndy myqty boksshylarynyń ónerin tamashalaı alady.